John 1
E Kristo A Teß Ne Sosoenën To Vanö Maß Manih Po Oeh
1Po taneo rakah voh, pö no a ma moeh tah kurus to meß avoeß voh e ne pa tavus, a Soe he teß voh e non. A Soe pamëh to teß vaßpeh me voh e non pe Sosoenën, ka Soe pamëh eß koman voh e Sosoenën. 2Ka Soe pamëh to teß vaßpeh me voh e non pe Sosoenën pa taneo in a ma moeh tah kurus. 3Ka ma moeh tah kurus poë varih, no a Soe pamëh to nok voh manih po kikis ne Sosoenën to heß poan, a hikta pah tah to tavus ke maß pa ta meh hanan. Ahik, a ma moeh tah kurus poë varih to tanok voh no a Soe to soe kee tavus. 4Manih peß no a ma tah kurus to kon taneß voh o toßtoß, ka Soe pamëh to tavus va en manih po maaka, marën a vaasis a napan a soe vëh a man rakah. 5Eß o Maaka pamëh to vamaaka non a popoen, ka popoen hikta onöt non a kopös poan.6E Sosoenën to vanö voh maß a pah teß teßteß soe. A ëhnaneah e Jon Tövapupui. 7Eß to nö maß pa vatvus a soe va po Maaka pamëh manih pa napan. Ka napan tënan a soe, pare vaman ee. 8E Jon koman to hikta teß non pan eß o Maaka pamëh. Ahik, eß to nö maß pa vatvus a soe va po Maaka pamëh manih pa napan. 9O Maaka man pamëh to nönö nö non maß manih po oeh pa vamaaka a napan.
10A Soe varoe to teß voh non manih po oeh, ko oeh pamëh ne Sosoenën to nok koe voh manih peß, ivëhkëk, a napan to teß ne po oeh pamëh to hikta inan ne poë. 11Eß to nö voh manih pa napan va pa muhin koman peß, ivëhkëk, a napan poë varih to hikta haraß vaeö ne, pare hikta öt poë. 12Ivëhkëk, o teß varih to öt poë, pare vaman poë, neß to heß en pee pa tasun, kee tavus ee o pus koaß pe Sosoenën. 13A napan poë varih to hikta tavus voh o pus koaß pe Sosoenën manih po eraß pe taman pen sinan, keß manih po haharaß va po sionin, me manih po haharaß pa teß. Ahik, ee to panih a ma taateß hat pee ke Sosoenën kon raoe kee tavus ee o pus koaß peß.
14A Soe pamëh to tavus teß en, pareß nö maß ko teß vaßpeh me e non pemöm. Kemöm ep em pa tasun apuh peß. Ka tasun pamëh, eß a tasun to vatoe me e non pa tasun pe Sosoenën. Ka tasun peß to vataare a no möm pan, eß a paeh ro a Koaß ne Tamön to vanö maß. Ke Koaß pamëh to pah iu rakah e non pemöm, pareß vataare vamaaka rakah en pemöm pa soe man to taneß maß manuh pe Sosoenën. 15E Jon to vavatvus non a soe, pareß soe pan, “Ivaßih a teß nöß to sosoe suk voh noß, paröß soe pan, ‘A teß vëh se suk a maß neoß no a tasun peß to teß oah e non pa teß tasun peöß. Suk ataeah, eß to teß momoaan voh ke non peöß.’”
16Eß to vih kurus ka rora, suk eß to iu rakah a rora, ivëh, neß se heß suk a ra a ma tah vihvih va kuru me a ma teß tah vihvih va amot. 17E Sosoenën to heß a ra o Vavaasis peß manih pe Mosës. Ivëhkëk, e Sosoenën koman to vataare a ra o iu peß, pareß vakoe ke maß a soe man va peß manih pe Ieesuß Kristo. 18Ahik voh ta pah teß to ep in e Sosoenën. Ahik rakah, a pah Koaß ro pe Sosoenën vëh, eß koman e Sosoenën, to teß vatët tamoaan non sih manih peß, pareß vataare a ra a taateß pe Sosoenën.
E Jon To Sosoe Vanat Non A Napan E Ieesuß
Matiu 3:1-12, me Mak 1:7-8, me Luk 3:15-17
19O teß susunön po Jiuß to vanö taneß a ma pah teß ësës heß, me o Livaë ▼▼O teß nee to popokaß ne o Livaë, to taneß maß manih po pöh vuteß po Jiuß. A kiu pee ivaßih, ee to vavaßaus nee o teß ësës heß po Jiuß pa matop vavih a Iuun Hinhin Apuh.
po Jiuß manuh Jerusalëm kee nö ee manih pe Jon, pare hi poë pan, “Eën eteh?” 20Ke Jon hikta naöp, eß he soe vamaaka rakah ken pee pan, “Eöß to hikta teß noß pan eöß a teß vëh ne Sosoenën to vateß maß keß nö maß, ivëh, no a napan to popokaß ne sih poë e Kristo. 21Ka ma pah teß ësës heß me o Livaë hi hahah kov ee peß pan, “Eën poß eteh? Eën kës e Elaëjaß?” Keß piun ra poë, pareß soe pan, “Ahik!” Kee hi hahah kov ee peß, “Keß eën a teß vanënën soe eh?” Keß piun en, “Ahik!” 22Ivëh, kee hi hahah kov ee peß pan, “Ke eën rakah poß eteh? Heß a möm ah tapiun kemöm sih hah ko soe vanat o teß varih to vanö a maß möm. Eën se soe vamaaka ka möm eën eteh? 23Ke Jon piun raoe, pareß vahoß a soe peß manih pa soe voh pa teß vanënën soe vëh e Aisaëaß, pareß soe pan,“Manih pa moeh upin a rivoneoß to teß va non manih pa rivon a pah teß to vavaoe non maß pan,
‘Vatotoopin öm a hanan pe Sunön.’” b
24Ka ma teß varih no Parësiß to vanö maß, hi ee pe Jon pan, 25“Eën se keh hikta teß nom pan, eën e Kristo, me eën se keh hikta teß nom pan, eën e Elaëjaß, keß a teß vanënën soe, vahvapoßnih kën pupui nom a napan pa ruen? 26Ke Jon piun raoe, pareß soe pan, “Eöß to pupui noß sih a napan pa ruen, ivëhkëk, eß to teß non a pah teß to teß vaßpeh me e non peöm manih, nöm to hikta nat nem peß. 27Keß eß a teß ko pamëh to suk a maß neoß. Eöß to hikta vih onöt noß a ihan këh eah o uris vëh pa suß peß.”
28A ma soe varih ne Jon to soe pa pap Jödën vöh manih pa vöön va Bëtaniß. Manih pa vöön pamëh ne Jon to pupui non a napan pa ruen.
29Ka muhin takah po meoh poen, ke Jon ep i na e Ieesuß to nö maß pa ep peß, pareß soe vamanih pan, “Ep këk öm, ivaßuh a Soneß Sipsip pe Sosoenën to nö en maß. Eß se vahik a ma hat pa napan kurus va po oeh vëh. 30Ivaßih, a teß pamëh nöß to sosoe suk voh noß, paröß soe pan, ‘A teß vëh se suk a maß neoß, eß to vih oah e non peöß, suk ataeah, eß to teß vovoh voh ke non peöß.’ 31Eöß koman to hikta nat voh noß peß eteh. Ko poen nöß to nonok noß a kiu va pa pupui a napan, pan eöß se vataare a napan va Israël kee ep pare maaka poß e Ieesuß eteh.”
32Ivëh, ne Jon to soe suk vamanih pan, “Eöß to ep in a Tuvuh Vasioß to kunah taneß maß pa akis to matan va non manih pa panuh, pareß atantön non poan. 33Eöß koman to hikta nat voh noß peß etieh. Ivëhkëk e Sosoenën vëh to vanö voh a maß neoß köß pupui noß a napan pa ruen to soe ka neoß pan, ‘Eën se keh ep in a Tuvuh Vasioß to kunah taneß maß pa akis, pareß atantön non ta pah teß, eën se nat eom pa teß ko pamëh se pupui a napan pa Tuvuh Vasioß.’ 34Eöß to ep voh a tah vëh to tavus, paröß soe vaman rakah keoß peöm pan, a teß vaßih eß e Koaß vamaman rakah pe Sosoenën.”
A Taanaß Teß To Tavus Momoaan A Ma Vamomhë Pe Ieesuß
35A muhin to takah en po meoh poen ke Jon sun vaßpeh me non a poa vamomhë peß. 36E Jon to ep i na e Ieesuß to oßoah nö non, pareß soe ke ra poa vamomhë peß pan, “Ep këk na öm, a Soneß Sipsip pe Sosoenën ivöh.”37Ka poa vamomhë pënton e Jon to sosoe va non manih, pare vatet ee pe Ieesuß. 38Ke Ieesuß tarih maß, pareß ep i raoe to suksuk nö ne poë, pareß hi rapoë pan, “Eöm iu nem ataeah pom?” Kee piun poë, pare soe, “Rabaëß, eën teß nom pa iuun poanheh?” O ëhnan “Rabaëß” to soe non pan “Tövavaasis”, manih po to pa napan va Hibru. 39Keß piun a poa vamomhë pe Jon, pareß soe, “Nö maß öm, paröm ep.” Ivëh, ka poa vamomhë poë varih nö vaßpeh me ee pe Ieesuß, pare ep ee pa ö neß to teßteß non sih, ko teß vaßpeh me e ne peß pa potan pamëh. Suk ataeah, a potan to matan va non manih pa 4 kirök pa matanpoen.
40E Ëndruß, kea pe Saëmon Pitaß a paeh va pa poa vamomhë poë varih to pënton a soe pe Jon, pareß vatet en pe Ieesuß. 41Ka tah vamomoaan rakah ne Ëndruß to nok ivaßih, eß to këh e Ieesuß, pareß nö en pa ep këh e kea peß Saëmon Pitaß, pareß soe ke poan pan, “Emöm to taum em pe Mesaëaß.” Ka pusun in o ëhnan Mesaëaß to soe va non manih pan, “Kristo.”
42Vasuksuk poß ne Ëndruß to me en pe Saëmon manuh pe Ieesuß. Ke Ieesuß ep poan, pareß soe pan, “Eën e Saëmon sunaiß Jon. Amot no a napan se popokaß a nom oah e Sifas.” Ko ëhnan “Sifas” to teß akuk va kov e non manih pan, “Pitaß”, ka pusun in o ëhnan Pitaß to soe va non manih pan, “A vös”.
E Ieesuß To Vaoe E Filip Pen Nataniel Tee Suk Poë
43A muhin to takah po meoh poen ke Ieesuß kehkeh nö non pa muhin va Galiliß. Eß to nönö nö non, pareß taum e Filip, pareß soe ke poan pan, “Filip, suk a maß neoß ah.” 44E Filip, eß a teß va pa vöön va Bëtsaëtaß, a vöön pamëh ne Ëndruß pen Pitaß to teß ne sih. 45E Filip to taum pet e Nataniel, pareß soe ke poan pan, “Nataniel! Emöm to taum em pa teß vëh ne Mosës to kiun suk voh manih po Vavaasis peß. ▼▼[... o Vavaasis pe Mosës,] E Sosoenën to heß koe a ma Vavaasis varih pe Mosës manih pa napan va Israël. Ep na pa tonun o Puk to teß non a Kölösöriß pa maaka vavih a tah no o Vavaasis pe Mosës to soe non.
O teß vanënën soe me to kinkiun suk voh ne poë. Eß e Ieesuß e koaß pe Jeosëp, ka vöön peß ivëh Nasarët.” 46Ivëhkëk e Nataniel to hi e Filip pan, “Eën kës to koman nom pan ta tah vih se tavus manih Nasarët?” Ke Filip soe pan, “Maß ah, ka nö, para ep.”47Ke Ieesuß ep i na e Nataniel to nönö nö non maß manih peß, pareß soe pan, “Ivaßuh a to Israël vamaman rakah, ahik to pöh piuk to teß non manih peß.” 48Ke Nataniel hi varuß e Ieesuß, pareß soe pan, “Eën nat vah va ka nom neoß nih?” Ke Ieesuß soe ke poan pan, “Vamomoaan ne Filip to hikta vaoe avoeß voh a nom oah, eöß he ep e noß pën to sun nom po pusun in o naon nee to popokaß ne o fik.” 49Ke Nataniel piun poan, pareß soe pan, “Tövavaasis, eën vavaman rakah e Koaß pe Sosoenën. Me eën e Sunön pa napan va Israël.”
50Ke Ieesuß piun en pe Nataniel, pareß soe pan, “Eën to vaman suk pöß a ö nöß to soe pan, eöß to ep voh ka oah po pusun in o naon vëh o fik. Ivëhkëk, amot nën se ep in a ma meh tah to apuh oah e ne pa ma teß tah nën to ep in kuru.” 51Ke Ieesuß soe ke rapoë pan, “Eöß to soe vaman rakah keoß peöm pom, eöm se ep a vöön va kin se taperet,
ko ankeroß pe Sosoenën se pepeah kov e ne,
pare kukunah kov e ne maß d
manih peöß e Koaß Teß Pa Napan Kurus.”
Copyright information for
TPZ